Back كاترينا من سيينا Arabic كاترينا من سيينا ARZ Catalina de Siena AST Caterina da Siena Aymara Кацярына Сіенская Byelorussian Катерина Сиенска Bulgarian Caterina de Siena Catalan Kateřina Sienská Czech Katharina von Siena German Αικατερίνη της Σιένα Greek
Caterina Benincasa, anavezetoc'h evel Caterina da Siena (Katelin Siena ha Santez Katell e brezhoneg), bet ganet e kêr Siena e Toskana en Italia d'ar 25 a viz Meurzh 1347 ha marvet e Roma d'an 29 a viz Ebrel 1380, a oa ul leanez italian anvet da santez e 1461.
Ezel e oa eus trede urzh Sant Dominig. Difennourez ar babelezh eo bet a-hed he buhez da vare Skism Meur ar C'hornôg (1378-1417).
Levezon he deus bet war ar bibien Gregor XI hag Urban VI. Meur a wech eo bet kannadez evit kêr Firenze pe evit ar pab.
Savet he deus oberennoù a zoueoniezh ha skridoù kevrinek hag o deus bet ul levezon vras war an danvez-se. Gwelet int evel pennoberennoù eus lennegezh italianek ar mare.
Maeronez ar gazetennerien ha tud ar media eo. Lidet e vez d'an 29 a viz Ebrel.
Anvet eo bet da vaeronez kêr Roma e 1866 gant Pi IX, ha da vaeronez Italia e 1939 gant Pi XII.
Laket eo bet da "zoktorez an Iliz" e 1970 gant Paol VI, war un dro gant Tereza a Avila.
Anvet eo bet da vaeronez Europa gant Yann-Baol II e 1999.